Actividade 5.1

OS RESTAURANTES

Os restaurantes inclúense dentro da actividade da restauración, que é desempeñada polas persoas que teñen ou explotan este tipo de establecementos.
Os establecementos hostaleiros clasifícanse nos seguintes grupos e categorías:

- Restaurantes,
- cafeterías,
- establecementos de bebidas.

Os restaurantes considéranse establecementos públicos dedicados a servir, mediante prezo, comidas e bebidas para ser consumidas no mesmo local. Clasifícanse en función da calidade dos seus servicios, instalacións, etc. en categorías: luxo, primeira, segunda, terceira e cuarta; os seus distintivos son, respectivamente, cinco, catro, tres, dous e un garfos colocados verticalmente un ó lado do outro. Este distintivo consígnase no exterior do establecemento, na propaganda impresa, nas cartas, nos menús e nas facturas, de xeito que a categoría asignada está sempre visible.

Analizamos as empresas dedicadas á restauración en Galicia facilitadas polo Servicio de Ordenación Turística da Consellería de Cultura, Comunicación Social e Turismo e polas distintas Asociacións Empresariais do sector da hostalería. A continuación, ofrecémosche as características básicas do tipo de establecemento hostaleiro máis habitual en Galicia:

CARACTERÍSTICAS BÁSICAS DO RESTAURANTE TIPO

CNAE	55.30
SIC	58.12
IAE	671 Servizos en restaurantes
Condición xurídica	Persoas físicas
Localización	Zonas urbanas
Persoal e estrutura organizativa	Tres persoas: xerente- propietario, persoal cociña (1) e camareiros (1)
Instalacións	100- 150 m2, con 10-15 mesas, 40-50 prazas
Clientes	Varía en función do tipo de establecemento
Carteira de produtos	Servizo no establecemento, reserva telefónica, servizo a domicilio, comida para levar
Ferramentas de promoción	A propia localización, folletos ou revistas de barrio, tarxetas de visita
Valor do inmobilizado/investimento	Mínimo que oscila entre 60.101 euros- 90.152 euros
Importe gastos	206.255 euros

VANTAXES

Non hai necesidade de persoal espeializado, excepto os cociñeiros.

O local non debe ser moi grande.

DESVANTAXES

Gran competencia, xa que hai moitos negocios deste tipo.

Turnos moi largos para os empregados.